Մարդիկ ավելի խելացի են դառնում. հետազոտություն. tert.am

Լոնդոնի թագավորական քոլեջի գիտնականները վերլուծել են 48 երկրի ավելի քան 200000 հազար մարդու ինտելեկտի մասին տվյալները՝ վերջին 64 տարվա կտրվածքով:

Meddaily.ru-ի փոխանցմամբ՝ նրանք եկել են եզրակացության, որ մարդիկ ավելի ու ավելի խելացի են դառնում:

Հետազոտության համար բրիտանացիները կիրառել են Ռավենի թեստը: Պարզվել է, որ 1950-ից ի վեր մարդկանց ինտելեկտի միջին գործակիցն աճել է մոտ 20 բալով:

Ռավենի թեստը նախատեսված է գնահատելու ինտելեկտուալ զարգացման մակարդակը և մոտ 80 տարի է լայնորեն կիրառվում է տարբեր երկրներում:

Հնարավոր է, որ ներկայում մարդկանց ավելի խելացի լինելը պայմանավորված է կրթության մակարդակի բարձրացումով, բուժսպասարկման և սնվելու որակի աճով, ինչպես նաև՝ թեստերի և մտավոր վարժությունների ավելի տարածված լինելով:

Հարցեր, պատասխաններ, մեկնաբանություններ